المشهد السابع من قصة ..أغدا ألقاك

المشهد السابع/ليل_داخلي



في المساء بينما تجلس منال ووسام في صالة المنزل يحتسيان كوبا من الكاكاو الساخن وتبدا منال بالحديث


منال:" انبسط صاحبك عنا ،عجبو الغدا".


وسام:" اكيد يسلمو اديكي هوي الى بياكل من تحت اديكي ما بينبسط، بس ليش ما اجيتي تعرفتي عليه".


تضحك منال وتعاود سؤاله:" كنتو كتير منسجمين مع بعض فما حبيت ازعجكو قلت اتركو براحتكوا".


اراد وسام أن يعلق علي كلام أمه ولكن سبقه هاتفه المحمول بالرنين فيرد عليه


وسام:" ألو..أهلين حسام".


حسام:" مرحبا كيفك وسام".


وسام:" هلا تمام والله ، شو مالك صوتك مش عاجبني،خير شو في".


حسام:" والله متدايق شوي، وحابب أقعد معك بتقدر تيجي نتمشي شوي".


وسام:" طيب هيني جاي مسافة الطريق وبكون عندك سلام".


تنظر منال باستغراب لوسام وتستغرب وتقول


منال: "مالو حسام؟؟".


وسام:"مش عارف مدايق كتير,هيني رايحلو".


منال::"هلأ بدك تطلع الدنيا عتمة اتصل عليه .وخليها لبكرة".


وسام:بنفعش ياماما صرت حاكيلو هيني جاي .وبعدين مامعي رنة ارجعلو .


منال طيب روح وانتبه...ولاد الحرام كثار..لاتتخانق مع حدا, وأرادت أن تكمل لكن وسام كان أسرع منها قائلا بعد أن قبل رأسها: عارف ...عارف...الوصايا السبع.






يخرج وسام وتذهب أمه خلفه وتدعي له بالسلامة و التوفيق له ولصديقه حسام....