بسيطة...... لأنو حمار

هل تعودوا على الاستحمار.. ولماذا يتم استحمارهم ؟ هل حقا يتم استحمارهم ؟ ولماذا هم صامتون على هذا الاستحمار. وبالعربي من يستحمر من ؟ ومن غير لف ودوران شو معنى الاستحمار؟؟؟

الاستحمار هو أن تفعل كل ما يريده من يركب ظهرك ولا تنبس ببنت شفة.

الاستحمار هو أن تاكل علقات على قفاك وتظلك ساكت  وتعيش الظلم من الي بيركبك الي ما بيرحم ولا بيخلي رحمة ربنا تنزل عليك .

الاستحمار إنو يكون الي راكب ظهرك هو أصلا عقلو تيس  وما بيفكر غير إنو يلبي رغباته ونزواته.

لماذا يتم الاستحمار ؟

لإنك ببساطة حمار... بتقبل إنك تطاطي راسك وتندندل رجليك ومع كل برسيم بتاكلو بتقول هل من مزيد وإلا بزعل ها والله بزعل وببطل أمشي وأروح معاك وين ما بدك .

بيستحمروك لإنو ما بيهمك غير إنك تاكل وتصبح تاني يوم تلاقي الأكل قدامك..

بتهمك نظافتك .... عادي ما بتفرق معك ممكن تعملها على الطريق وما حد رح يحكي معاك صدقني وبعد ما تنشف  وما تلاقي أكل ... أكيد شو رح تعمل غير  إنك تاكلها :-x ....

هل تعودوا على الاستحمار ؟

أكيد تعودوا لإنو أصلا مش فارقة معاه ياكل برسيمو على ضو على عتمة عاااادي الأمر أصبح عنده

يخلص شغلو بيوم أو يومين عااااادي بطلت تفرق معه

في إشي بيحركه غير البرسيم ؟؟؟ بعتقد لأ لإنو بيظلو حمار وما بتحركو إلا غريزتو وفهمكو كفاية هون

قولتكو بيهمو إذا حد إجا طلعو من بيتو ورماه بالشارع وقلو هاد بيتك بتفرق معو ؟؟؟؟

طبعا لأ رح يمشي الموضوع عادي ولا كإنو صار معو شي لإنو ببساطة

حمار

وبالعربي مين بيستحمر مين ؟

عنجد إنك حمار وبتسأل بالعربي كمان ....

سؤال بس ممكن تحدد منطقتك وين بتكون فيها حمار ؟؟؟ " حمار بيسأل حمار خايف من إنو تنتقل العدوة إلو .

رد عليه قلو :  عادي أنا موجود بأي مكان أمثالك فيه...